Mipirma og usa ka framework agreement ang Israel ug Lebanon sa Washington, D.C. human sa pipila ka adlaw nga negosasyon aron tapuson ang panagbangi tali sa militar sa Israel ug sa armadong grupong Hezbollah.
Ang kasabutan gipirmahan nila Nada Moawad ug Yechiel Leiter uban sa representante sa United States Department of State.
Sumala kang Israeli Prime Minister Benjamin Netanyahu, gitugotan sa kasabutan ang pwersa sa Israel nga magpadayon sa pag-okupa sa habagatang bahin sa Lebanon kon mapakyas ang Hezbollah sa pagdis-arma.
Samtang, giingon ni Marco Rubio nga motabang ang Estados Unidos sa pagpatuman sa kasabutan pinaagi sa Trilateral Military Coordination Group for Lebanon.
Maghatag usab ang US og $100 milyon nga humanitarian assistance sa pakigtambayayong sa United Nations.
Gihulagway usab ni Lebanese Amb. Moawad ang kasabutan isip unang dakong lakang padulong sa pagpasig-uli sa soberanya sa Lebanon.