Kumpirmadong nakalas ang dapit sa 13 ka tawo human sa usa ka kusog nga pagsabog sa labing dako nga pasilidad sa liquefied natural gas (LNG) sa Ras Laffan industrial zone didto sa Doha, Qatar.
Sumala ni Qatari Energy Minister Saad Sherida al-Kaabi, ang mga biktima sa maong pagsabog mga langyaw nga trabahante gikan sa mga nasod sa India ug Pakistan. Gawas sa mga namatay, duna say gibanabanang 66 ka uban pa ang dinalian nga gipangdala sa ospital human makaangkon og mga samad ug kadaot sa lawas.
Nagpaabot na og tiunay nga pahasubo ang Embahada sa India sa Doha ngadto sa mga pamilya sa mga biktima ug nisaad nga ihatag ang tanang gikinahanglang tabang alang kanila ug sa mga nangaangol. Sa pagkakaron, padayon pa ang gihimong lawom nga imbestigasyon sa mga awtoridad bahin sa trahedya, diin una nang napaulat nga duna’y nahitabong “technical accident” sa Barzan local gas supply facility samtang gisugdan pa lang unta ang operasyon niini human kini temporaryong napahunong niadtong Marso tungod sa danyos gikan sa giyera sa Middle East.