Patay ang 290 ug usa ang nakasurvive gikan sa sakay sa nagcrash nga Air India plane sa usa ka residential area sa kasadpang bahin sa siyudad sa Ahmedabad sa India gahapong adlawa, hunyo 12, 2025.
Nagpaalim sa ospital ang nag-inusarang survivor sa nagcrash nga Indian plane Ahmedabad, India.Naila kini nga si Vishwash Kumar Ramesh, hingkod ang edad British national.Nasayrang si Ramesh naglingkod sa 11A, dool sa emergency exit sa Boeing 787 Dreamliner. Nakaangkon kini ug samad sa dughan, mata , ug tiil sa pagcrash sa eroplano.Gisaysay niini nga 30 segondos human sa takeoff, dunay milanog nga nga kusog nga tingog ug nahagsa na gilayon ang eroplano.
Dugang niini nga paspas kaayo ang panghitabo.Sa sunod nga pagbuka sa iyang mata nagpalibot na kaniya ang daghang patayng lawas.Ang maong eroplano, nga padulong unta sa Gatwick Airport sa London, mitake off lamang og pipila ka minuto sa Ahmedabad International Airport sa dihang kalit kini nga nawalaan sa kontrol ug nahagsa.
Nahagsaan usab niiini ang usa ka hostel sa medical college nga duol ra sa palibot sa airport. Sa kasamtangang datos nga gipagawas sa mga otoridad, ang maong flight adunay 242 ka sakay, nga naglakip og 169 ka Indian nationals, 53 ka Briton, pito ka Portuguese, ug usa ka Canadian. Wala pay kumpirmasyon kung adunay Pilipino nga naapil sa trahedya.
Padayon karon ang recovery operations sa mga otoridad. Ang Civil Aviation Authority sa India, kauban ang international investigators, mipahigayon og imbestigasyon aron matino ang teknikal o human error nga posibleng hinungdan sa pagkahagsa.