Hugot nga gihimakak ni Megastar Sharon Cuneta ug sa iyang bana nga si Senador Francis “Kiko” Pangilinan ang mga pasangil nga giluwatan sa mga nagpakilalang kanhi bodyguard ni kanhi Ako Bicol Party-list Representative Zaldy Co kalabot sa giingong pagdawat og minilyong kuwarta.
Kini human nagpahigayon og press conference ang grupo sa mga kanhi bodyguard diin nagpakita sila og mga hulagway sa magtiayon aron pamatud-an nga lakip sila sa gihatdan og mga maleta nga duna’s sulod nga kuwarta nga giingong gikan sa anomalosong flood control projects.
Tungod sa maong hitabo, daling niresbak si Sharon pinaagi sa social media diin iyang gihulagway nga bagas og nawong ang maong grupo, samtang nagpahimangno usab si Senador Kiko nga andam silang mupasaka og kasong slander batok sa maong mga walay basehanan nga alegasyon.