Gisalikway ni Sen. Erwin Tulfo ang gipahigayon nga giingong pagdungog sa Senate Blue Ribbon Committee sa gawas sa Senado.
Kahinumduman nga gianunsyo sa senador nga dili madayon ang maong panagtigom diin dili kini mahimong isipon nga opisyal nga pagdungog sa maong komite.
Dugang pa sa senador, walay gahum ang mga personalidad nga nalambigit sa maong aktibidad ilabi na nga dili si Sen. Pia Cayetano ang tagapangulo niini ug dili na usab miyembro si Sen. Rodante Marcoleta.
Gipatin-aw usab sa senador nga walay komite-sekretaryat nga magtala sa mga pagdungog ug dili usab kini ipahigayon sulod sa Senado.
Gidugang pa sa Senador ang pagkuwestiyon sa panawagan nga mangayo og suporta gikan sa publiko alang sa maong panagtigom.
Matud niini, dili klaro nganong kinahanglan pang awhagon ang mga tawo nga mutambong ug unsa gayud ang tinuod nga tumong niini