36 ka indibidwal, nagpabiling missing human sa magnitude 7.8 nga linog!

Misaka na sa 65 ang kumpirmadong namatay tungod sa magnitude 7.8 nga linog nga miigo sa Mindanao niadtong Hunyo 8, 2026, sumala sa Office of Civil Defense (OCD).

Gipadayag sa OCD nga 36 ka tawo gihapon ang wala makit-i ug gituohang gamay na lamang ang posibilidad nga mabuhi pa sila.

Kadaghanan sa mga missing persons gituohang nalubong sa landslide sa Jose Abad Santos, Davao Occidental. Padayon ang search, rescue ug retrieval operations bisan pa sa kalisod sa kahimtang sa lugar tungod sa mga pagdahili sa yuta ug delikadong terrain. Sa pinakabag-ong datos, nakaapekto na ang linog sa 176,186 ka pamilya o kapin 738,000 ka indibidwal.

Sa maong ihap, 3,180 ka pamilya ang nagpabiling nagpuyo sa 37 ka evacuation centers.