Posibleng dili matuki sa 20th congress ang impeachment trial ni VP Sara Duterete tungod sa mga interpretasyon sa mga lagda sa senado. Sumala pa ni Senator Elect Vicente ” titio Sotto III ubos sa Senate rules, tanang walay matapos nga kalihokan sama sa mga balaodnon ug committee reports atol sa adjournment sa Hunyo 13 madwad-an na kini ug bili .
Apan, base sa Impeachment Rules, kung magsugod na ang Senado isip impeachment court, kinahanglan mopadayon ang proseso hangtod adunay desisyon. Naay argumento nga ang impeachment trial kinahanglan molungtad hangtod sa mahuman bisan molapas pa kini sa 19th Congress. apan giingon ni Sotto nga ubay-ubay usab ang moingon nga matapos na kini sa Hunyo 13, bisan wala pa’y hukom.Pormal nang gipasayod ni Senate President Francis Escudero si House Speaker Martin Romualdez kabahin sa schedule sa impeachment, nga magsugod sa Hunyo 3.
Ang Articles of Impeachment basahon sa plenaryo sa Hunyo 2. Giingon ni Sotto nga mahimong makaapekto ang panahon sa validity sa trial, ilabina sa mga senador nga matapos na ang termino sa Hunyo 30, ug ang paglingkod sa bag-ong 12 ka senador sa 20th Congress. Gitawag ni Sotto nga “justiciable issue” ang kontrobersiya ug posibleng maabot pa kini sa Supreme Court alang sa final nga interpretasyon.
Sa laing bahin, gibatikos ni Sotto ang plano ni Sen. Risa Hontiveros nga maghimo og independent minority bloc, nga wala sa tradisyunal nga sistema sa Senado nga adunay lang majority ug minority bloc