Subling nagbahad si U.S. President Donald Trump sa Iran nga “nahurot na ang ilang oras” niadtong Domingo human mapakyas ang labing bag-ong negosasyon.
Gipahayag niini pinaagi sa iyang Truth Social account nga “walay mabilin kanila” kon dili dayon mutuman ang Iran sa kasabutan sa kalinaw.
Sumala sa mga report gikan sa mga media outlet sa Iran, ang diskusyon misangpot sa usa ka “impasse” o kahuot gumikan wala matud pa mihatag og konkretong konsesyon ang Estados Unidos sa mga kondisyon sa Tehran.
Lakip sa nagpalig-on sa panagbangi mao ang lima ka bug-at nga kondisyon sa Amerika —lakip na ang pagtugot sa usa lamang ka operational nga nuclear facility ug ang pagbalhin sa 400 ka kilo nga uranium ngadto sa U.S. Samtang sa pagkakron ang Iran padayong nangayo og bayad sa damyos sa gubat ug ang pag-ila sa ilang soberanya sa Strait of Hormuz