Gipadayag ni National Bureau of Investigation (NBI) Director Melvin Matibag nga kinahanglan magpasabot sila Senador Robin Padilla, Senador Alan Peter Cayetano, ug Acting Sergeant-at-Arms Mao Aplasca kabahin sa pagkawala ni Senador Ronald dela Rosa sa Senado.
Matud ni Matibag, ang tulo giila giisip persons of interest sa panghitabo sa pagkawala ni dela Rosa, apan wala usab kini nagpasabot nga sila pormal nang giimbestigahan.
Gipasiugda usab niini nga gumikan gipailalom sa protective custody sa Senado si Dela Rosa, ang responsibilidad sa iyang seguridad ug kahimtang anaa sa Senado.
Kahinumduman nga gikumpirma ni Senate President Cayetano nga boluntaryong mibiya si Dela Rosa sa Senate premises ug wala na sa protective custody.
Gibutyag usab nga kauban ni Senador Padilla si Dela Rosa sa paggawas sa Senate compound mga alas 2:30 sa kaadlawon niadtong Mayo 14, pipila ka oras human sa insidente sa putukan sa Senado