Gisalikway sa aktres nga si Bela Padilla ang mga pagduda nga aduna kini kalambigitan sa pagkasulod sa uyoan nga si Senador Robin Padilla sa usa ka sikat nga primetime serye.
Pinaagi sa iyang X account, giklaro ni Bela nga dili niini kontrolado ang maong desisyon ug walay kalabotan ang baruganan sa politika sa iyang uyoan sa iyang trabaho.
Miulbo ang nagkadaiyang reaksyon gikan sa mga netizen human gidugang sa maong salida ang aktor nga nahimong politiko. Tungod sa walay hunong nga pagpangutana sa publiko, nakahukom ang aktres nga ipahayag ang iyang habig bahin sa casting ug sa mga isyu nga giatubang karon sa Senado.
Gipasiugda pa ni Bela nga wala kini gahum sa pagpili sa mga artista tungod kay ang mga ehekutibo ug supervising producers lamang ang adunay katungod niini.
Giklaro usab sa aktres nga mas una pa nga napili ang iyang uyoan alang sa maong papel. Matud pa niini, Disyembre pa niya gidawat ang proyekto.