Wala nagpagawas og Temporary Restraining Order (TRO) ang Supreme Court batok sa petisyon sa kampo ni Senador Ronald Dela Rosa.
Gipangayo sa kampo ni Dela Rosa pinaagi sa “Urgent Manifestation with Omnibus Motion” ug “Extremely Urgent Supplemental Manifestation” ang TRO aron mapugngan ang iyang posibleng pag-aresto base sa giingong warrant sa International Criminal Court.
Gipahimangnoan sa Korte Suprema ang Malacañang ug ubang respondents nga mosumite og ilang tubag sulod sa tulo ka adlaw, samtang gihatagan usab si Dela Rosa og 72 oras aron mo-komento.
Gipasaka ang maong mosyon human sa giingong pag-isyu sa ICC og arrest warrant kalabot sa imbestigasyon sa war on drugs sa miaging administrasyon.
Gipangayo usab sa kampo ni Dela Rosa ang TRO, writ of preliminary injunction, o status quo ante order aron mapugngan ang pag-aresto ug detensyon kaniya, ug gi-question usab nila ang mga lakang sa National Bureau of Investigation (NBI) ug ang pagpakita sa kopya sa warrant ni kanhing Senador Antonio Trillanes.