- Advertisement -
Gipatuman sa Department of Agriculture (DA) ang temporaryong paghunong sa pag-import og mga buhing mananap ug pipila ka animal products gikan sa Greece human nakumpirma ang mga kaso sa foot-and-mouth disease (FMD) sa isla sa Lesvos.
Ubos sa Department Circular 20, gisuspinde ang pagpagawas sa mga import clearance alang sa mga produkto sama sa karne, buhing baboy, baka, ug gatas nga wala maproseso, dungan sa pagmando og mas hugot nga inspeksyon sa tanang pantalan sa nasud.
Matud ni Agriculture Secretary Francisco Tiu Laurel Jr., kini nga lakang gihimo aron maprotektahan ang lokal nga industriya sa kahayopan, samtang ang bisan unsang kargamento nga mosupak sa maong kamandoan pagakumpiskahon subay sa balaod.
- Advertisement -