Naghimo og kasaysayan ang pop superstar nga si Shakira human dagsaa sa kapin duha ka milyon ka fans ang iyang gipahigayon nga libreng concert didto sa Copacabana Beach, Brazil.
Ang maong dako nga pundok sa katawhan maoy usa sa kinadak-ang attendance sa kasaysayan sa mga live performances sa tibuok kalibutan. Tungod sa kadaghan sa mga tawo, napuno ang tibuok baybayon ug bisan ang mga kadalanan palibot niini aron lang makakita ug makadungog sa pasundayag sa Colombian singer.
Gipakita ni Shakira ang iyang mga sikat nga kanta ug talagsaong abilidad sa pagsayaw, butang nga nakahatag og grabeng kadasig sa iyang mga fans sa South America. Tungod sa maong kalampusan, mas gipalig-on pa ni Shakira ang iyang titulo isip usa sa labing impluwensyal nga artist sa tibuok kalibutan.
Gidayeg usab sa lokal nga gobyerno sa Brazil ang malinawon nga dagan sa maong higanteng tapok bisan pa man sa hilabihan nga kadaghan sa mga tawo nga mitambong.