Gikuwestyon ni House Justice Committee member Rep. Terry Ridon ang listahan sa social media nga nag-ingon nga adunay mga mambabaload nga ni-withdraw sa ilang suporta sa impeachment batok kang Bise Presidente Sara Duterte.
Sumala kaniya, adunay klarong isyu gumikan ang maong listahan naglakip og mga peke nga ngalan.
Dugang ni Ridon nga kung tinuod pa nga adunay mga ni-withdraw, nganong adunay usa ka pangalan nga “Bier Rodriguez” nga wala man sa listahan sa mga kongresista.
Matud ni Ridon, adunay mga tigsuporta sa Bise Presidente nga nagpakaylap sa maong listahan sa internet.
Bisan pa og ang uban nga ngalan tinuod nga mga mambabalaod, ang ikawalo nga ngalan mao ang “Bier Rodriguez” nga wala’y klarong pagkatawo.
Sa ilawom sa 20th Congress, tulo lamang ka House members ang adunay apelyidong Rodriguez: Catanduanes Rep. Eulogio Rodriguez, Abamin party-list Rep. Maximo Rodriguez Jr., ug Cagayan de Oro Rep. Rufus Rodriguez.
Ang maong isyu mitumaw human sa impeachment hearing niadtong Abril 29 diin nakita sa House Justice Committee nga adunay probable cause aron i-impeach ang Bise Presidente.