91-anyos nga lola sa Poland, nabanhaw human sa 11 ka oras sa sulod sa body bag sa Morgue

Usa ka 91-anyos nga lola sa Poland nga giilang si Janina Kolkiewicz ang naluwas gikan sa iyang body bag human kini miligutgut ug nilihok sa morgue sulod sa 11 ka oras bisan pa man sa opisyal nga deklarasyon sa iyang kamatayon.

Ang maong milagrusong panghitabo nagsugod sa dihang ang iyang family doctor napakyas sa pagpangita og pulso ug pagginhawa, hinungdan nga gidala ang lawas niini  sa cold storage sa punerarya.

Apan sa dihang namatikdan sa mga trabahante ang iyang paglihok, luwas kining nakapauli sa ilang panimalay diin igo lang kini nikaon og init nga sabaw ug pancake samtang gilusad ang lawom nga imbestigasyon sa maong sayop nga medikal nga pagdayagnos.