Gipasalig sa Police Regional Office 10 (PRO-10) ang padayong pakig-alayon sa nagkadaiyang ahensya sa gobyerno, lakip ang Armed Forces of the Philippines (AFP), Philippine Coast Guard (PCG), ug uban pang law enforcement agencies, ingon man ang mga Local Government Units (LGUs) aron masiguro ang kalinaw ug seguridad sa rehiyon.
Sumala ni PMAJ Joann G. Navarro, ang tigpamaba sa PRO-10, dako ang ilang garbo sa epektibong implementasyon sa Safer Cities Initiative ubos sa pagdumala sa Department of the Interior and Local Government (DILG).
Sulod sa unang pipila ka adlaw sa maong programa, namatikdan na ang mahinungdanong pag-ubos sa mga crime incidents sa rehiyon, nga nagpakita sa kalampusan sa hiniusang pwersa sa gobyerno sa pagsumpo sa kriminalidad.
Dugang pa sa opisyal, bisan pa man kon adunay pipila ka mga insidente sa krimen nga natala, kini padayon nga giaksyonan ug giatiman sa kapulisan sa rehiyon.
Giklaro usab niini nga ang maong mga panghitabo wala makabalda o makaapekto sa kinatibuk-ang sitwasyon sa kahapsay ug kalinaw sa Region 10.
Hugot usab nga gipatuman sa kapulisan ang ilang mga preemptive ug proactive nga pamaagi aron mas mapugngan ang pagkaylap sa krimen sa rehiyon.
Sumala sa opisyal, padayon silang naghimo og mga estratehiya sa pag-deploy sa ilang mga personahe ug andam nga mo-adjust sa ilang operasyon kon gikinahanglan aron mas mapalig-on ang ilang kampanya batok sa kriminalidad. abalda o makaapekto sa kinatibuk-ang sitwasyon sa kahapsay ug kalinaw sa Region 10.