Nailhan na sa Department of Agriculture ang 32 ka mga lugar sa nasud nga ginasabotahe sa mga rice traders and pagpamalit og humay gikan sa mga mag-uuma.
Sumala kang Agriculture Secretary Francisco Tiu Laurel, Jr. nga ginaimbestigahan na matud pa sa ilang ahensiya ang mapahimuslanong negosyante og bugas. Apan, giangkon sa DA nga wala pa silay kaso nga nahuna-hunaan nga posibleng atubangon sa mga tikasan nga rice trader, rason nga mangita una matud pa sila og paagi aron maprotektahan ang mga mag-uuma.
Gani, aron malikayan nga mausab ang maong pagpanikas sa mga traders, plano sa DA nga sa musunod nga ting-ani, adtuan matud pa nila ang mga lugar nga dunay tikasan nga mga rice trader aron mismong ang DA na matud pa ang mupalit sa humay sa mga mag-uuma aron patas ang pagpatuman sa presyo.
Aron matud pa nga mahalin ang mga produktong humay sa mga mag-uuma, duna na matud pa silay marketing o procurement group mobile nga maoy muadto ilabi na sa mga nagpatuman og ubos nga presyo sa humay.
Gani, gumikan niini, gikatakdang magpaguwa og polisiya sa musunog nga mga adlaw ang ahensiya aron masigurong dili mapahimuslan sa mga tikasang negosyante ang mga mag-uuma.