Gipasalamatan sa Department of Education ang P1,000 nga dugang honoraria sa mga magtutudlo ug staff niadtong milabay nga eleksyon. Gipadayag sa Department of Education (DepEd) ang kalipay sa dugang nga kantidad sa mga magtutudlo ug mga staff nga misilbi isip poll workers sa bag-o lang nahuman nga eleksyon karong tuiga.
Gipasidunggan ni DepEd Secretary Sonny Angara ang dakong kontribusyon sa libo-libong mga magtutudlo ug staff nga gibubo ang ilang oras ug kusog aron masiguro ug kasaligan ang integridad sa proseso sa eleksyon sa nasud.Gipasalamatan usab ni Angara si President Ferdinand Bongbong Marcos Jr. ug Department of Budget and Management (DBM) Secretary Amenah Pangandaman tungod sa ilang paspas nga aksyon sa pag-apruba sa dugang nga honoraria.
Dugang pa ni Angara nga dakong tabang ang mga magtutudlo ug staff sa rekord nga voter’s turnout sa nahitabong eleksyon. Samtang una ng gibutyag ni Presidential Communications Undersecretary and Palace Press Officer Claire Castro nga kini nga direktiba gimando sa Presidente ug ang honoraria rates sa mga myembro sa electoral boards alang sa chairperson nagkantidad ug 13, 000, 12,000 alang sa poll clerk lakip na ang third member ug 9,000 alang sa support staff.