Gideklara sa lokal nga mga awtoridad nga dili malabang ang pipila ka mga kalsada ug tulay sa Jose Abad Santos, Davao Occidental tungod sa grabe nga pag-ulan nga dala sa Intertropical Convergence Zone (ITCZ).
Sumala sa taho sa Jose Abad Santos Municipal Disaster Risk Reduction and Management Office (MDRRMO), gipakita nga nabungkag ang mga bahin sa dalan paingon sa Mangile Bridge ug Lawayon Bridge.
Gipanghingusgan sa MDRRMO nga dili gamiton ang mosunod nga mga lugar nga delikado ug dili malatas karon, sama sa Kidaman, Buguis, Kalongkungan, Culaman, Mangile Bridge, ug Lawayon Bridge.
Gipahimangnoan usab sa mga eksperto sa panahon nga apektado ang kadaghanan sa Mindanao, lakip ang Eastern Visayas ug Palawan, tungod sa ITCZ.
Gibutyag nga ang mga lumulupyo sa maong dakbayan duna posibilidad nga makasinati mga flash flood o landslide tungod sa padayon nga moderate hangtod sa kusog nga bundak nga pag-ulan.
Kabahin niini gipahimangnuan ang publiko nga mag-igmat sa nagkadaiyang bahin sa nasud sa potensyal nga susamang insidente nga masinatian gumikan sa dili maayong panahon ug sagunson nga pagulan.