Giaprubahan na sa Department of Budget and Management (DBM) ang 16,000 ka mga teaching ppsitions sa pampaublikong tulunghaan alang sa school year 2025-2026.
Ang maong lakang matud pa kabahin sa nahimong direktiba sa pangulo nga pakusgan ang sektor sa edukasyon. Ang maong ihap kabahin matud pa sa unang target sa tranche nga muabot sa 20,000 ka mga teaching positions karong tuiga.
Sa laing bahin, 15,343 ka mga bag-ong posisyon alang sa Teacher I (Salary Grade 11).
Samtang ang mga teaching positions alang sa Senior High School gibalhin sa divison level alang sa ‘mas flexible’ matud pa nga deployment alayon sa unang sumbanan nga gipaguwa sa DBM niadtong 2016.
Sumala kang Sec. Pangandaman, ang maong lakang nagtumong aron mas mapakusgan pa ang ‘workforce’ sa Kindergarten, elementary, Junior High School, Senior High School ug Alternative Learning System (ALS).
Mukabat sa P4.194-B ang pondong gitagana alang sa mga bag-ong posisyon nga gikan sa built-in appropriations sa DepEd ilawom sa 2025 General Appropriations Act. Ning kasamtangan, gikataho sa DepEd nga dul-an 27.012-M ang enrolled sa elementarya ug high school sa tibuok nasud ug sa maong ihap, lakip niini ang ALS.
Sa pikas bahin, gihimakak sa Department of Education nagkatag nga balita sa social media nga dunay sugyot balaudnon nga dungagan og Grade 13 ang K-12 Curriculum.