- Advertisement -
Gisugyot sa Kamara de Representantes ang paggamit sa bilyon-bilyong kita gikan sa Malampaya Deep Water Gas-to-Power Project aron pondohan ang pagtukod og strategic fuel reserves sa nasud alang sa seguridad sa enerhiya.
Sumala kang House Minority Leader Marcelino Libanan, angay pahimuslan ang royalties gikan sa proyekto aron makatukod og mga coastal petroleum storage facilities ubos sa Philippine National Oil Company (PNOC), ilabi na nga niabot na sa ₱200 bilyon ang kinatibuk-ang koleksyon niini gikan niadtong 2014.
Gilauman nga mas modako pa ang kita sa gobyerno tungod sa malampusong drilling sa duha ka bag-ong gas wells, busa angay lang nga gamiton ang pundo sa pagtipig og diesel, gasolina, ug aviation fuel.
- Advertisement -