- Advertisement -
Nasikop ang usa ka indibidwal tungod sa pagpamaligya og smuggled nga sigarilyo atol sa gikasang operasyon sa kapulisan sa Zone 4-A, Kinawe, Libona, Bukidnon kagahapong adlawa, Abril 13, 2026.
Ang 30-anyos nga babaye nasakpan sa mga personahe sa Libona Municipal Police Station, uban sa Bukidnon 1st Provincial Mobile Force Company, nga nagpasundayag og mga sigarilyong walay government health warning ug napakyas sa pagpakita og bisan unsang legal nga dokumento.
Nakumpiska gikan sa suspetsado ang usa ka ream ug duha ka pakete sa “Modern” nga sigarilyo nga adunay kinatibuk-ang kantidad nga ₱960.00.
- Advertisement -
Ang maong dinakpan lakip na ang mga ebidensya ang gitugyan na ngadto sa Municipal Health Unit sa Libona alang sa tukmang disposisyon sa balaod.
- Advertisement -