Posibleng maapektuhan ang mga small businesses and consumers sa padayon nga pagsaka sa presyo sa lana tungod sa dili matapos-tapos nga tensyon sa Middle East.
Base sa gihimong interview sa mga lokal nga Chamber of Commerce and Industry, namatikdan ang pagsaka sa presyo sa mga palaliton ilabi na sa ilang logistic cost.
Tungod, niini, gipasabot ni Junar B. Merla, ang Chief Consumer Protection Division sa DTI Bukidnon, nga dili malikayan nga ipasa sa mga negosyante ang dugang nga bayranan ngadto sa mga consumers.
Gikumpirma niini nga apektado dili lamang ang mga negosyante, kundi lakip na usab ang mga konsumidor niining padayon nga pagsaka sa presyo.
Gibutyag usab niini nga base sa labing bag-ong monitoring report sa ilang buhatan, adunaโy namatikdan nga gamayโng lihok o movement sa presyo sa pipila ka mga produkto.
Gipunting niini nga ang maong kausaban nakita ilabi na sa mga batakang palaliton o basic necessities and prime commodities.
Bisan pa man, gipasalig sa maong opisyal nga ang kasamtangang presyo anaa pa gihapon sa sulod sa Suggested Retail Price (SRP).
Nagpasabot kini nga pabilin nga lig-on o stable ang presyo ug ang suplay sa mga nag-unang kinahanglanon sa merkado.