Nadakpan ang usa ka bag-ong giila nga drug personality sa gihimong buy-bust operation sa Kitaotao niadtong kagahapong adlawa, Abril 11, 2026 takna alas 1:03 sa buntag.
Sumala sa report ang operasyon sa Kitaotao Municipal Police Station ubos sa pagpangulo ni PMAJ Jose Regner M. Sevilleno, COP, uban sa laing yunit sa kapulisan.
Nahitabo ang operasyon sa Purok 4, Barangay Sinuda, Kitaotao, Bukidnon, nga miresulta sa pagkadakop sa usa ka 23-anyos nga lalaki nga bag-ong giilang drug personality.
Nakumpiska sa operasyon ang mga ebidensya lakip na ang mga sachet sa gidudahang shabu, kwarta nga P500, lighter, usa ka cellphone, susi sa motorsiklo, sling bag, ug usa ka Honda XRM 125 motorcycle nga adunay plate number L8K817.
Ang kinatibuk-ang gidaghanon sa nakumpiskang gidudahang shabu kay 0.4 gramos nga adunay standard drug price nga ₱2,720.00.
Karon, ginaandam na ang kaso batok sa suspetsado tungod sa paglapas sa Section 5 ug 11 sa RA 9165 samtang anaa na sa kustodiya sa Kitaotao Municipal Police Station.