Adunay indikasyon nga posibleng mosunod ang rollback o pagkunhod sa presyo sa langis base sa upat ka adlaw nga trading niining semanaha, sumala ni Energy Secretary Sharon Garin.
Bisan pa niini, gipasabot sa kalihim nga lima ka adlaw (Lunes hangtod Biyernes) ang basehan sa opisyal nga computation.
Sumala ni Garin, kung magpadayon ang kasamtangang trend, adunay posibilidad nga moubos ang presyo sa lana.
Apan mahimo pa kini mausab kung mosaka ang presyo sa katapusan nga adlaw sa trading.
Dugang pa niini nga ang opisyal nga adjustment mahitabo ugma aron malikayan ang spekulasyon.
Nagalaum usab ang Department of Energy (DOE) nga ang posibleng rollback, uban sa subsidiya gikan sa LTFRB, makatabang ilabi na sa sektor sa pampublikong transportasyon.
Giangkon ni Garin nga naglaum kini nga matuman ang rollback, nga mahimong unang maayong balita human sa sunod-sunod nga pagsaka sa presyo sa langis sa milabay nga mga semana.