Giaprubahan na sa City Motorela Franchising and Regulatory Board (CMFRB) ang pagpasaka og ₱3 sa minimum nga pletihan sa mga motorela sa dakbayan sa Valencia.
Tungod niini, ang pletihan nga kaniadto ₱10 hangtud sa 13, mahimo na kining ₱13 hangtud sa 16.
Ang maong desisyon nakab-ot atol sa gipahigayon nga special meeting niadtong milabayng adlawa, ubos sa pagdumala ni Konsehal Ryan J. Rosal, ang Chairman sa Committee on Public Transportation.
Ang maong lakang agi’g tubag sa gisumite nga provisional fare adjustment ni Lucas Guzman, ang Presidente sa Motorela Association.
Gipasabot niini sa maong tigom nga adunay gilatid nga fuel price brackets nga magsilbing sumbanan kung gikinahanglan pa ba ang dugang nga usbaw sa pletihan.
Posibleng mosaka kini hangtod sa ₱18 o labaw pa depende sa dagan ug pagsaka sa presyo sa lana sa merkado.
Human sa gipahigayon nga makuting deliberasyon, nakab-ot sa City Motorela Franchising and Regulatory Board (CMFRB) ang usa ka “win-win solution” may kalabutan sa gisinggit nga usbaw sa pletihan sa mga motorela.
Gipadayag ni Konsehal Ryan J. Rosal, ang Chairman sa Committee on Public Transportation nga bisan pa nauyon ang dugang usbaw sa plitehan apan nagkinhanglan kini og hugot nga pagtuon aron dili nmabug-atan ang publiko sa maong lakang.
Hugot usab nga gisugyot sa konsehal nga maong pagsaka temporyo lamang og ibalik sa orihinal nga presyo ang plitehan sa higayon nga mokunhod na o mubalik na sa normal ang presyo sa lana.