Landing sa balay tambalanan ang unom ka indibidwal, lakip ang usa ka bata, human sa managlahing aksidente sa kadalanan nga nahitabo sa Talakag ug Valencia City, Bukidnon niadtong Abril 4.
Sa Talakag, usa ka 25-anyos nga pedestrian ang anaa sa seryosong kahimtang sa usa ka ospital sa Cagayan de Oro human kini maligsan sa usa ka Toyota Yaris Cross ug nalabay og 15 metros ang gilay-on.
Samtang sa Valencia City, ang drayber sa Nissan Navara ug ang upat niini ka pasahero daling gidala sa Laviña General Hospital human nibuto ang ligid sa gimanehoang sakyanan nga miresulta sa pagkabangga sa usa ka Isuzu Forward Truck ug pagkadaro sa maong truck sa usa ka balay.
Sa pagkakaron, ang mga drayber ug ang mga nalambigit nga sakyanan anaa na sa kustodiya sa kapulisan alang sa tukmang disposisyon ug dugang imbestigasyon.