Nasikop sa mga otoridad ang usa ka bag-ong giilang drug personality atol sa malampusong buy-bust operation sa Sitio Landing, Barangay San Isidro, Talakag, Bukidnon niadtong Abril 4, 2026.
Ang suspetsado usa ka 20-anyos nga lalaki, ulitawo, walay trabaho, ug residente sa Purok 3, Barangay 1 sa maong lungsod.
Ang operasyon gipanguluhan sa Talakag Municipal Police Station Drug Enforcement Unit ubos sa pagdumala ni PCPT ROMEO M ARCILLA JR, ang Officer-in-Charge.
Sa pagkakaron, ang dinakpan uban ang mga nakumpiskang ebidensya anaa na sa kustodiya sa Talakag MPS alang sa saktong dokumentasyon ug pagpasaka og tukmang kaso.
Kini nga lakang kabahin sa mas gipahugtan nga kampanya sa kapulisan batok sa ilegal nga droga aron masiguro ang kahapsay ug kaluwasan sa komunidad.