Usa ka 19-anyos nga puting mustang nga si Gringo ug ang iyang trainer nga si Lauryn Zepeda ang nanakab-ot og Guinness World Records alang sa “most tricks performed by a horse in three minutes.”
Nakahimo si Gringo og 38 ka tricks sulod sa 2 minutos ug 47 segundos niadtong March 5.
Usa kini ka wild horse kaniadto nga gi-ampon, ug 10 ka tuig na silang nagtrabaho ni Zepeda gamit ang clicker training ug treats, inay nga sa mapintas nga pamaagi.
Lakip sa iyang mga tricks ang pagdula og bola, pag-wave sa bandila, pagpatugtog og piano ug trumpet, selfie pose, ug pag-bow.
Hugot usab ang rules diin dili pwede hikapon ang kabayo sa trainer, apan tingog ug kumpas lamang ang gamiton.
Matud ni Zepeda, ang maong kalampusan nagpakita nga mas epektibo ang makataong paagi sa pag-train sa hayop kung malipayon kini ug walay pugos.