Gipahayag ni Senator-elect ug kanhi Senate President Vicente “Tito” Sotto III ang bahin sa isyu og kinsa ang mahimong sunod nga pangulo sa senado.
Sa pahayag niini, gipasabot ni Sotto nga ang posisyon sa Senate President dili lang bahin sa personal nga ambisyon, apan usa ka responsibilidad nga nagkinahanglan og kredibilidad, kasinatian, ug integridad.
Lakip niini ang pag-uyon sa kadaghanan sa senado o mayorya sa kinatibuk-an diin maoy magduso sa maong natad kinsa ang mamahimong mulingkod sa giingong posisyon.
Gipasabot usab niini nga ang pagpili sa liderato sa senado kinahanglan base sa mga kwalipikasyon ug abilidad sa mga kandidato, dili lamang sa politikal nga alyansa. Giklaro sa senador ug kanhi senate president nga wala siya ang nagpasiugda sa maong hungihong apan ang mga kaubanan niini.
Samtang ang isyu sa pagka-Senate President nagpabilin nga usa sa mga pinakainit nga panag-istorya sa politika sa nasud, ug gilauman nga magpadayon ang diskusyon hangtod sa opisyal nga paglingkod sa bag-ong lider sa senado.