Nagpahimangno si Senate President Pro-Tempore Panfilo ‘Ping’ Lacson bahin sa giingong pagka-arogante ni US President Donald Trump sa padayon nga gubat sa Middle East.
Matud ni Lacson nga ang giingong “Trump 26” nagdala og krisis dili lang sa seguridad apan apil sa ekonomiya sa daghang nasud.
Sumala sa senador, ang “whimsical arrogance” ni Trump bisan sa iyang mga kaalyado usa sa hinungdan sa paglala sa tensyon sa Middle East.
Kini misunod sa pahayag ni Trump nga ang mga apektadong nasud puwede na lang mopalit sa lana gikan sa uban o mangita sa ilang kaugalingong suplay.
Tungod niini, naapektuhan ang global supply sa langis ug misaka ang presyo sa Pilipinas: diesel: ₱140+/litro, kerosene: ₱168/litro, gasolina: sobra ₱100/litro.
Sumala ni Senator Sherwin Gatchalian nga ang Department of Energy (DOE) kinahanglan maglatid og mekanismo sa fuel rationing, labi na sa mga dili esensyal nga paggamit, aron mapakunhod ang pang-adlaw-adlaw nga konsumo gikan sa 55 milyon ka litro ngadto sa 30 milyon ka litro, o halos 50% reduction, samtang giprotektahan ang essential services sama sa ambulansya, pulis, bumbero, ug Philippine Coast Guard.
Gisiguro sa DOE nga andam na ang ilang han-ay sa posibleng oil shortage.
Lakip sa mga lakang ang temporaryong limitasyon sa pagpalit sa petrolyo kung gikinahanglan, mas istriktong regulasyon sa container-based transactions, pagbantay sa imbentaryo ug distribusyon gamit ang Emergency Petroleum Monitoring System (EPMS), paspas nga pag-isyu og show cause orders batok sa mga abusadong negosyante, pagpadayon sa Joint Task Force uban sa DOJ para sa administratibo ug kriminal nga aksyon, koordinasyon sa DTI, PNP, NBI, BFP, ug mga lokal nga pangagamhanan alang sa mas halapad nga monitoring.