Gipasundayag ang pagsaulog sa Graduation Ceremony sa PMA Siklab-Laya Class of 2025, diin gitambungan kini ni pangulong Ferdinand Marcos Jr. ang maong selebrasyon.
Gipanguluhan niini ang paghatag og awards sa mga labing halangdong kon nagpakita og impresibong performance nga mga kadete sa maong tunghaan.
Ang pagtambong sa presidente nagtumong dili lamang aron maki selebrar, apan aron dasigon ang mga migradwar nga mga kadete aron mamahimong magmalampuson sa pagpanalipod sa nasud batok sa mga katalagman o hulga sa bisan unsang panahon.
Gidayig usab sa pangulo ang mga migradwar ug gipasidunggan ang ilang mga pagpaningkamot alang sa kadaugan nga nabatunan human ang pipila ka mga tuig nga nilabay diin nasinatian ang tumang mga kalisod ug pagsulay, apan natapos kini nga puno sa kalipay.
Samtang sa pikas bahin, mas nahimong labing mahinungdanon ang maong selebrasyon tungod sa dungog nga gipaambit sa mga migradwar diin 6 niini nagikan sa dakbayan sa Bukidnon.
Duha ang gikan sa Malaybalay City kansa giilang sila CDT 1CL. EDESAN CARL SENDAYDIEGO VILLAMAYOR ug CDT. 1CL. CEGIE BETE PALUGA. Samtang si APPLE GRACE PAYUSA SAGUINHON, nagikan sa Pangantucan Bukidnon, ug tulo nagikan sa Manolo Fortich nga sila KISHA DWEEN CHING MAGDATO, GYLORD JOHN SARAZA ug BRIAN BERNIE BALBERAN.