Padayon ang imbestigasyon sa Office of the Ombudsman batok kang Vice President Sara Duterte.
Gipunting ni Ombudsman Jesus Crispin ‘Boying’ Remulla, nga ang pag-susi sa kaso nakabase lamang sa ebidensya ug wala’y impluwensya gikan sa politika, aron masiguro ang patas ug lig-on nga proseso.
Gisusi usab sa Tanodbayan ang legal nga aspeto kon mahimo ba kasuhan ang Bise Presidente, samtang giandam ang posibilidad nga ang findings ipasa sa Kongreso alang sa impeachment kung mapamatud-an ang mga alegasyon.
Ang mga reklamo nga gisusi naglakip sa graft, plunder, ug korapsyon, nga gisang-at sa pipila ka civil society groups ug indibidwal, lakip na si kanhing Senator Antonio Trillanes IV.
Sumala sa opisina nga tanang aksyon ginahimo ubos sa balaod ug alang lamang sa hustisya, samtang gipahimangno ang publiko nga magsalig sa proseso ug dili magpadala sa mga hungihong o politikal nga komentaryo.
Ang Ombudsman andam nga ipatuman ang tibuok proseso sa patas ug hapsay nga paagi aron mapreserbar ang integridad sa institusyon ug sa hustisya.