Gipahibalo sa Department of Trade and Industry (DTI) nga magpabiling lig-on ang presyo sa mga batakang palaliton hangtod sa Abril 16, 2026, taliwala sa nagpadayong krisis sa lana sa Middle East.
Sumala ni Trade Secretary Cristina Roque, walay nakitang pagsaka sa presyo sa 205 ka mga produkto sama sa de-latang sardinas, kape, ug gatas tungod sa igo nga suplay ug koordinasyon sa mga manufacturers.
Bisan pa niini, gilauman nga adunay posibleng kausaban o pagsaka sa presyo sa pipila ka mga brand ug variant pagkahuman sa tunga-tunga sa bulan sa Abril.
Gitambagan sa ahensya ang mga konsumidor nga susihon ang opisyal nga listahan sa Basic Necessities and Prime Commodities (BNPC) nga naka-post sa mga supermarket ug sa website sa niini.
Samtang nagpadayon ang senemanang monitoring, giklaro sa DTI nga walay awtomatikong price freeze sa tibuok nasud bisan pa sa deklarasyon sa national energy emergency ubos sa Executive Order 110.