Gilauman na sa House Committee on Justice ang pagpasaka og petisyon aron hingpit nga mapahunong ang proseso sa impeachment batok ni Bise Presidente Sara Duterte.
Kini human pormal nga niduso og Temporary Restraining Order (TRO) si Atty. Israelito Torreon ngadto sa Korte Suprema.
Ang maong lakang nagtumong sa pagbabag sa komite sa pagpadayon nga proceedings sa impeachment sa Bise Presidente.
Matud pa ni House Committee on Justice Vice Chairperson Rep. Ysabel Zamora, gilauman na sa komite ang petisyon moabot sa kapin 100 ka pages, butang nga imposible matud pa nga mahimo lang sulod sa pipila ka adlaw human ang hearing sa komite.
Dugang pa niini nga ang karong proseso sa impeachment hugot nga nagsunod sa “due process” ug sa mga lagda sa House of Representatives.
Mipadayag usab ang komite sa katingala sa pag kuwestiyonon pag-usab sa kampo sa Bise Presidente, taliwala sa pagsunod niini sa proseso ug kamandoan sa Korte Suprema.
Sa pagkakaron, nagpabilin ang baruganan sa komite nga padayonon ang katungdanan ubos sa Konstitusyon samtang nagpaabot sa sunod nga aksyon sa Korte Suprema.