Gi-anunsyo sa Miss Universe Philippine ( MUPH) Organization ang pagtangtang sa usa ka kandidata alang 2026 pageant human sa gihimong imbestigasyon subay sa dili maayo nga pamatasan.
Sumala sa opisyal nga pamahayag sa MUPH, nakadawat ang organnisasyon og mga reklamo batok sa maong kandidata.
Gipailalom kini sa usa ka imbestigasyon, ug gihatagan na usab ang kandidata og verbal ug written nga pahimangno aron matul-id ang iyang pamatasan.
Apan, matod sa MUPH, nagpadayon gihapon ang pipila ka lihok sa kandidata nga wala mahisubay sa ilang sukdanan sa respeto ug propesyonalismo.
Tungod niini, nakahukom ang organisasyon nga dili na ipadayon ang pagsalmot niini sa kompetisyon. Samtang wala usab gibutyag sa MUPH ang pangalan sa maong kandidata, ingon man ang mga detalye sa insidente.
Gipadayag sa organisasyon ang tinguha nga mapadayon ang usa ka hapsay ug positibong palibot alang sa tanang nisalmot.