Midaug ang Detroit Pistons batok sa New Orleans Pelicans sa iskor nga 129-108, diin mibida si Jalen Duren pinaagi sa 30 puntos ug 10 rebounds.
Dugang pa, nakahatag si Duren og pito ka assists, duha ka blocks ug duha ka steals aron tabangan ang Pistons nga makab-ot ang ilang ikalimang kadaogan sa unom ka duwa.
Bisan kulang sa pipila ka key players sama ni Cade Cunningham tungod sa injury, nagpadayon gihapon ang kusog sa team.
Misuporta usab si Kevin Huerter nga may 22 puntos ug si Daniss Jenkins nga adunay 19 puntos ug siyam ka assists.
Sa laing bahin, nanguna sa Pelicans si Zion Williamson nga adunay 21 puntos.
Bisan nakaduol ang Pelicans sa ikatulong kwarter, dali nga nakabawi ang Pistons sa ika-upat nga kwarter pinaagi sa sunod-sunod nga tres aron mapalapad pag-usab ang ilang abante ug masiguro ang kadaogan.