Gikumpara ni Atty. Israelito Torreon ang impeachment complaint ni Pres. Ferdinand Mracos Jr. ug Vice Presidente Sara Duterte.
Gipadayag niini nga kulang sa igong basehan ang reklamong impeachment batok kang Presidente Ferdinand Marcos Jr., hinungdan sa pagka-dismiss niini.
Sa gipahigayon nga press conference kagahapong adlawa, Biyernes, sa Davao City, gipasabut ni Torreon nga walay gitawag nga “ultimate facts” ang maong reklamo nga magpamatuod nga adunay nahimong mga kaso nga makonsiderar nga impeachable offenses.
Tungod niini, gikumpara ni Torreon ang sitwasyon sa mga reklamo nga gilambigit kang Vice President Sara Duterte.
Matud pa niini, sama sa kaso batok sa Presidente, wala usab igong basehan o “ultimate facts” nga magkonektar sa Bise Presidente sa mga pasangil nga graft, paglapas sa Konstitusyon, ug uban pang mga bug-at nga krimen