Balhog sa bilanggoan ang usa ka lalaki nga si Justin Banggaan Donaire, 18 anyos, diin nadakpan sa Purok 6, Barangay Lorega, Kitaotao, Bukidnon tungod sa krimen nga Robbery.
Ang operasyon gihimo sa Kitaotao Municipal Police Station ubos kang PMAJ Jose Regner M. Sevilleno, kauban ang Bukidnon 2nd Provincial Mobile Force Company, 1ug uban pang yunit sa koordinasyon sa Provincial Intelligence Unit sa Bukidnon PPO.
Ang nahisgutang suspetsado adunay Warrant of Arrest ilawom sa Revised Penal Code Article 299 nga gimando niadtong Marso 24, 2026, ug adunay girekomendang piyansa nga gipahimutang sa Php36,000.
Samtang sa laing bahin, nasikop usab sa mga otoridad ang usa ka mag-uuma nga giilang si Nilo Lapisan Talatao, 42 anyos, sa Purok 1, Barangay San Rafael, Talakag, Bukidnonkagahapong adlawa, Marso 26, 2026.
Ang suspek gidakop sa hiniusang pwersa sa Talakag Municipal Police Station ug uban pang unit sa kapulisan ubos sa warrant of arrest alang sa kasong Robbery nga adunay girekomendang piyansa nga Php100,000.00.
Sa pagkakaron, ang maong indibidwal anaa na sa kustodiya sa Talakag MPS alang sa saktong disposisyon sa kasong dugay na nga narekord sukad pa niadtong tuig 2008.