Gipunting ni Batangas 2nd District Representative Gerville Luistro nga ang gihimong lakang sa House Committee on Justice dili usa ka aktwal nga paglitis aron tukion ang sala, kundili para lamang masuta ang probable cause sa impeachment process batok kang Vice President Sara Duterte.
Gihimo ni Luistro ang klaripikasyon human wala mitambong ang Ikaduhang Pangulo sa hearing nga gikatakda kagahapong adlawa.
Sumala ni Luistro, importante nga masabtan sa tanan ang limitasyon ug mandato sa Kamarabaha niining yugto sa proseso.
Gipasabot niini nga ang gihimo sa House of Representatives usa lamang ka clarificatory hearing ug layo pa kini sa aktwal nga trial nga pagahimoon sa Senado kung mopadayon ang reklamo.
Matod pa ni Luistro, ang pagtino sa probable cause mao ang basihan sa komite kung adunay igo nga rason ug ebidensya aron isaka ang Articles of Impeachment ngadto sa Senado, nga mao’y mahimong impeachment court.
Bisan pa sa wala pag-atubang sa Bise Presidente sa komite kagahapong adlawa, nagpadayon gihapon ang hearing aron susihon sa mga mambabalaod ang mga ebidensya ug basihan sa reklamo.