Inalimahang baka sa usa ka senior citizen sa Talakag, Bukidnon, gisulayan og tigbas sa liog

Nakahilak na lamang ang usa ka senior citizen human masayri nga gisulayan og ihaw ang inalimahan nga baka nga gitigway sa Sitio San Donesio, Barangay Indulang, Talakag, ning lalawigan.

Ang maong baka gialiman ni Restituto Lahum Hagcap, 73-anyos, residente sa maong lugar. Base nakalap nga impormasyon, miluwat ang apo sa maong senior citizen nga nagkantidad matud pa og P49,000 ang maong baka nga gialimahan sa apohan niini.

Nasayran ang maong insidente human makaplagan sa senior citizen nga adunay samad tinigbasan sa liog ang maong gitigway nga inalimahang baka.

Kasamtangang padayon pa ang imbestigasyon sa mga otoridad kalabot sa insidente.