Duha ka lalaki sikop sa buy-bust operation sa Valencia City; Php61,880 nga balor sa shabu nasakmit sa kapulisan

Sikop sa mga pulis ang duha ka lalaki sa usa ka buy-bust operation sa Valencia City kaniadtong milabayng adlaw sa gabii, nga nagresulta sa pagkumpiska sa shabu nga nagkantidad og Php61,880.

Ang nadakpan mao si alias Ricmar, 29 anyos, residente sa Purok 13A, Brgy. Poblacion, ug si alias Geny, 36 anyos, residente sa Purok 5, Brgy. Poblacion. Nakumpiska usab ang mga pulis og white crystalline substance nga gidudahang nga shabu, P500 bill, usa ka android phone nga itom, ug usa ka black coin purse nga gigamit isip container sa droga.

Gidala ang mga nadakpan ug ebidensya sa Valencia City Police Station alang sa hustong disposasyon.