Kapin 1,000 na ang nakalas sa Lebanon tungod sa pagpamomba sa Israel

Mukabat na sa kapin 1,000 ka tawo ang namatay sa nasod sa Lebanon tungod sa serye sa mga pag-atake sa Israel. Base sa datos gikan sa Health Ministry sa Lebanon, mikabat na sa 1,094 ang kinatibuk-ang gidaghanon sa mga nakalas, samtang anaa sa 3,119 ang mga naangol sukad nagsugod ang tensyon niadtong Marso 2.

Wala pa malakip niini ang pinakaulahing report diin duna pay dugang 22 ka patay ug 153 ka samdan. Gipahayag sa Israel nga ang ilang mga pag-atake nakatutok sa mga kuta sa mga militanteng grupo nga kaalyado sa Iran.

Nagpadayon karon ang kabalaka sa tibuok kalibutan tungod sa nagkagrabe nga sitwasyon sa maong rehiyon.