Subling gipakita sa One Asenso Misamis Occidental ang ilang kahanas human nila malampusong nadepensahan ang titulo isip overall champion sa bag-ohay lang natapos nga Northern Mindanao Regional Athletic Association (NMRAA) Meet 2026. Human usab sa ilang kadaugan sa miaging tuig, giila na karon ang Mis Oc nga back-to-back champion sa rehiyon.
Mitala ang Misamis Occidental og kinatibuk-ang 266 ka medalya aron selyohan ang ilang dominasyon. Nakuha usab sa host province nga Bukidnon Zeal ang garbo sa pagkahimong 1st Runner-up human nila nahakot ang 171 ka medalya (67 ka bulawan).
Samtang ang Misamis Oriental Masters maoy mipatigbabaw sa ikatulo nga pwesto (Rank 3) nga adunay total nga 221 ka medalya. Bisan pa man og mas taas ang kinatibuk-ang ihap sa medalya sa Cagayan de Oro (CDO) Risers (208 medals) ug Iligan City Voltz (158 medals), napahimutang sila sa Rank 5 ug Rank 4 tungod sa mas mubo nga ihap sa gold medals itandi sa mga nag-una kanila.
Nagpabilin usab nga lig-on ang Malaybalay Icons sa Rank 8 nga adunay 74 ka medalya. Sa pagtapos sa maong kalihokan, nagpaabot og dakong pasalamat si Reynaldo E. Manuel Jr., PhD, CESO V ngadto sa lalawigan sa Bukidnon sa maayong pagdawat ug malampuson nga pag-host sa tanang atleta sa Northern Mindanao.