3-term school calendar sa mga publikong tunghaan, abrubado na

Aprobado na ni Pres. Ferdinand “Bongbong Marcos Jr.” ang pagpatuman sa trimestral school calendar sa mga pampublikong tunghaan sugod sa school year 2026-2027. 

Ubos niini, bahinon sa tulo ang school calendar nga adunay kinatibuk-ang 201 ka adlaw, diin adunay 54 hangtod 61 ka instructional days nga pagasundan og usa ka assessment.

Tumong niini nga mahatagan og mas taas nga panahon ang mga estudyante sa pagtuon sa matag subject, matabangan ang mga magtutudlo nga mapadali ang dagan sa mga leksyon, ug makamugna og mga structured recovery periods.