Mikabat na sa 34 ang namatay samtang 77 ang naangol human nahagsa ang usa ka eroplano sa militar sa Colombia nga adunay sakay nga 121 ka pasahero human kini milupad paingon sa habagatang bahin sa nasud, sumala sa mga opisyal.
Matud ni Defense Minister Pedro Sánchez, nahitabo ang “makalilisang nga aksidente” sa Puerto Leguizamo, usa ka hilit nga lungsod sa probinsya sa Putumayo nga duol sa mga nasud sa Peru ug Ecuador.
Sa pamahayag ni Presidente Gustavo Petro, wala pa matino ang hinungdan sa maong insidente. Sumala sa Colombian Air Force, 121 ka tawo ang sakay sa Hercules C-130, lakip ang 110 ka sundalo ug 11 ka crew members.
Gipadayag ni Air Force commander Carlos Fernando Silva nga wala pa’y klarong detalye sa insidente gawas sa nakasinati og problema ang eroplano ug nahagsa kini mga duha ka kilometro gikan sa airport human kini milupad sa kahanginan.