Hilabihan matud pa ang kalipay ni kanhing Pang.
Rodrigo Duterte human niining masayran nga nakadaog kini isip mayor sa Davao City.
Gisaysay sa kinamanghurang igsoon ni Duterte ang nahimong reaksiyon niini sa dihang nakabalo kini ilabi na nga mukabat dul-an 700,000 ka mga botante nga mibotar ngadto kaniya.
Gani, mas nilabaw matud pa ang kalipay niini sa dihang layo kaayo ang biya niini sa iyang kalaban nga si kanhi Civil Service Commissioner Karlo Nograles kansa nagpapili sab pagka-mayor sa Davao City.
Di sab matud pa masukod ang kalipay niini ilabi na sa dihang nahibal-an niini nga midomianr ang ilang pamilya sa milabay nga bugnong lugaynon niadtong Mayo 12 ning tuiga.
Kahinumdumang nakadaog isip Vice Mayor si Sebastian ‘Baste Duterte, samtang nagpabiling kongresman si Paolo Duterte sa unang distrito kansa giatbangan kini ni Migs Nograles.
Nakadaog sab isip congressman si Omar Duterte sa ikaduhang distrito ug ang igsuon niini nga si Rigo Duterte isip konsehal.
Apan, daw naminghoy ang kanhing pangulo sa dihang nasayran niini nga 5 lamang sa napulo ka mga senador nga giendorso ug gisuportahan niini ang nakasulod sa top 12 sa senatorial race.
Kahinumdumang giproklama ang nahimong kadaugan ni Duterte ug sa ilang pamilya.
Apan, gitugyan na lamang karon sa COMELEC ang mamahimong desisyon sa Department of Interior and Local Government og mamahimo ba nga makasugakod kining magdumala sa nasud gumikan sa kahimtang niini ilabi na nga anaa kini sa The Hague human kining giaresto niadtong Marso 11 gumikan sa kasong crimes against humanity human sa daghanan matud pang ihap sa namatay sa war on drug campaign niini sa dihang mayor ug presidente pa kini.