Narekober sa mga sundalo sa 1st Special Forces Battalion ubos sa 403rd Infantry Brigade ang duha ka tag-as nga matang sa armas sa Sitio Ananaso, Barangay Kalabugao, Impasug-ong, Bukidnon niadtong milabayng adlaw ning tuig.
Ang operasyon nagmalampuson tungod sa impormasyon gikan sa usa ka kanhi sumusunod sa mga rebelde nga naggiya sa mga otoridad ngadto sa taguanan sa usa ka M16A1 rifle ug usa ka M653 carbine.
Sumala ni BGen. Seigfred C. Tubalado, ang Commander sa 403rd Brigade, timaan kini sa nagkagamay nga suporta sa CPP-NPA Terrorist (CNT) ug ang nagkakusog nga kooperasyon sa komunidad ngadto sa gobyerno.
Gidala na ang maong mga armas sa headquarter sa 1SFB alang sa tukmang disposisyon samtang gihulagway ang pagkakaplag niini isip dakong kakuwang sa pwersa sa mga walhong pundok.
Gipasalig sa Philippine Army nga padayunon ang hugot nga operasyon aron masi.guro ang kalinaw sa probinsya ug gidasig ang mga nahabilin nga rebelde nga mubalik na sa sabakan sa gobyerno.