Nasakmit sa kapulisan ang P326,400 nga kantidad sa shabu human dakpon ang duha ka suspek sa usa ka buy-bust operation sa P-2, Barangay Macaopao, Kalilangan, Bukidnon kagahapong adlawa, alas 5:04 sa buntag.
Nadakpan sa Kalilangan Municipal Police Station ang duha ka lalaki nga nag-edad og 23 ug 35 anyos. Nasakmit usab sa operasyon ang duha ka heat-sealed plastic sachet nga naglangkob sa puti nga kristal nga substansya nga gituohan nga shabu, nga nagbug-at og 48 gramos, usa ka wallet, driver’s license, cellphone, usa ka pouch, P700 nga kwarta, ug usa ka motorsiklo.
Gidala ang mga nadakpan sa Kalilangan Municipal Police Station alang sa tukmang disposisyon samtang ang ebidensya gisumite sa Bukidnon Provincial Forensic Unit alang sa tukmang laboratory examination.