Gibutyag sa nagsaka nga boksidor nga si Eman Bacosa Pacquiao nga inay mahimong babag, ang dako nga presyur sa pagdala sa apelyidong “Pacquiao” mao hinuon ang naghatag kaniya og dugang kusog ug inspirasyon.
Giangkon ni Eman nga dili sayon ang mga “expectation” sa publiko tungod sa legasiya sa iyang amahan nga si boxing icon Manny Pacquiao. Apan alang kaniya, gidawat na niya kini isip kabahin sa iyang garbo ug responsibilidad.
Matud pa ni Eman, gusto niya pamatud-an nga bisan kinsa—Pacquiao man o dili—makab-ot ang mga damgo pinaagi sa kakugi, disiplina, ug hugot nga pagsalig sa Diyos.
Sa pagkakaron, nagpabiling “undefeated” si Eman sa iyang boxing career ug padayon nga nagkulit og kaugalingong ngalan dili lang sa ring, kondili lakip na usab sa kalibutan sa showbiz ug endorsements.